મોહમ્મદ પયગંબરનું કાર્ટૂન પ્રકાશિત કરનારા શાર્લી હેબ્દોનો 33 કરોડ દેવી-દેવતાઓ પર કટાક્ષ!

ફ્રાંસના કાર્ટૂન મેગેઝીન શાર્લી હેબ્દોએ ભારતમાં કોરોનાના વધતા કેસો અને મોતના આંકડાને લઈને કટાક્ષ કર્યો છે. શાર્લી હેબ્દોએ કાર્ટૂનમાં ઓક્સિજન સિલિન્ડરો સાથે મોટી સંખ્યામાં લોકોને સુતેલા દર્શાવ્યા છે. શાર્લી હેબ્દો મેગેઝીને કેપ્શનમાં લખ્યું છે કે ભારતમાં 33 મિલિયન દેવી-દેવતા છે, પરંતુ કોઈપણ ઓક્સિજનનું ઉત્પાદન કરવા માટે સક્ષમ નથી. હિંદુ માન્યતામાં 33 કોટિ એટલે કે 33 કરોડ દેવી-દેવતાઓ હોવાનું માનવામાં આવે છે. જો કે 33 કોટિ એટલે 33 પ્રકાર એવો પણ અર્થ કરવામાં આવે છે.

શાર્લી હેબ્દોના કેપ્શનમાં 3.3 કરોડ દેવી-દેવતાની વાત કરીને કરવામાં આવી છે. તેની સાથે ભારતમાં વધતા કોરોનાના ચેપના કેસોને રોકવામાં આરોગ્ય સેવાઓની નિષ્ફળતા પર કટાભ કરવામાં આવ્યો છે. આ ફ્રેન્ચ મેગઝીન દ્વારા આ કાર્ટૂનને પોતાના ફેસબુક એકાઉન્ટ પર પણ શેયર કરવામાં આવ્યું છે.

શાર્લી હેબ્દોના આ વિવાદીત કાર્ટૂનને ઘણાં લોકો શેયર કરી ચુક્યા છે. ભારતીયોએ આ કાર્ટીનની નિંદા કરી છે અને ઘણાં લોકોએ ફ્રેન્ચ મેગેઝીનના આ કાર્ટૂનને ભારતની આરોગ્ય સેવા પર કટાક્ષના બદલે હિંદુઓની ધાર્મિક માન્યતાઓની મજાક ઉડાડનારું વ્યંગચિત્ર ગણાવ્યું છે. કેટલાક લોકોએ આ કાર્ટૂનને કથિત અભિવ્યક્તિની આઝાદી સાથે સાંકળ્યું છે.

ફ્રાંસના મેગેઝીન શાર્લી હેબ્દો દ્વારા ધાર્મિક મામલાઓ પર વ્યંગચિત્રો પ્રકાશિત કરીને કટાક્ષ કરતા હોય છે. આના પહેલા શાર્લી હેબ્દોના કાર્યાલય પર ઈસ્લામના પયગંબર મોહમ્મદ સાહેબનું કાર્ટૂન પ્રકાશિત કરવા મામલે હુમલા થઈ ચુક્યા છે અને તેમા કેટલાક ટોચના કાર્ટૂનિસ્ટો માર્યા ગયા હતા. આ મામલે શાર્લી હેબ્દોએ ત્યારે કહ્યુ હતુ કે આ તેની અભિવ્યક્તિની સ્વતંત્રતા છે, તેનો તેઓ ઉપયોગ ચાલુ રાખશે. ઘણાં યુઝર્સે શાર્લી હેબ્દોના આ કાર્ટૂનને એક પદાર્થપાઠ તરીકે જોવાની વાત પણ કહી છે.

Comments

Post a Comment

Popular posts from this blog

ઈન્ડિયન કોસ્ટ ગાર્ડનું દિલધડક ઓપરેશન, કેરળના 3 માછીમારોને બચાવ્યા

Image
કોસ્ટગાર્ડનું દિલધડક ઓપરેશનતૌકત વાવાઝોડાંના કાઉન્ટડાઉન વચ્ચે ઈન્ડિયન કોસ્ટ ગાર્ડના જહાજ વિક્રમે શુક્રવારે રાત્રે કેરળના કન્નૂરથી માછલી પકડવા ગયેલી બધરિયા નામની બોટના ચાલકદળને બચાવ્યું હતું. બધરિયા બોટના ત્રણેય માછીમારો સહી-સલામત છે અને વિક્રમ જહાજ દ્વારા તેમને કોચ્ચિ લઈ જવામાં આવ્યા છે. ભારતીય તટરક્ષક દળે ટ્વિટ દ્વારા આની જાણકારી આપી છે. ડિફેન્સ પીઆરઓએ એક નિવેદનમાં કહ્યુ છે કે ઈન્ડિયન કોસ્ટગાર્ડના જહાજ વિક્રમે કન્નૂરથી 22-30 કલાકે માછીમારી કરવા નીકળેલી એક નાનકડી બોટમાંથી ત્રણ માછીમારોને બચાવ્યા છે. માછીમારી કરનારી નાની સ્થાનિક નૌકાઓ અને એમઈડબ્લ્યૂની બોટ્સ રેસ્ક્યૂ માટે બહાર જઈ શકી ન હતી. જહાજ ત્રણેય માછીમારોની સોંપણી માટે કોચ્ચિ જઈ રહ્યું છે.
Read more

76 વર્ષીય ‘ફિટનેસ ગુરુ’નો વીડિયો વાઈરલ, “વાપસી હંમેશા હોય છે મોટી”

Image
 કોરોનાની વૈશ્વિક મહામારીમાં ફિટનેસ – શરીરની ખડતલતા બેહદ જરૂરી છે. સોશયલ મીડિયા પર 76 વર્ષના ત્રિપતસિંહનો વાઈરલ થઈ રહેલો વીડિયો ફિટનેસ સંદર્ભે પ્રેરણા આપી રહ્યો છે. હ્યુમન્સ ઓફ બોમ્બના સત્તાવાર ઈસ્ટાગ્રામ હેન્ડલ પર શેયર કરવામાં આવેલા વીડિયોમાં 76 વર્ષીય ત્રિપતસિંહની વર્ક આઉટની સફર દર્શાવવામાં આવી છે. વીડિયોને કેપ્શન અપાયું છે- વાપસી હંમેશા મોટી હોય છે. 76 વર્ષીય ત્રિપતસિંહની ફિટનેસ યાત્રા જોઈને લોકોને શારીરિક સૌષ્ઠવ જાળવવા માટે પ્રેરણા મળી રહી છે અને તેમના વીડિયોને ખૂબ પસંદ કરાઈ રહ્યો છે. વીડિયોના પ્રારંભમાં ત્રિપતસિંહ તેમના પત્નીના 1999માં થયેલા નિધન અને ધંધાના ઠપ્પ થવાની વાત કરે છે. તેની થોડીક સેકન્ડોમાં કેવી રીતે તેમની જિંદગી બદલાઈ તેને દર્શાવવામાં આવી છે. 76 વર્ષીય ત્રિપતસિંહ વેટલિફ્ટ કરે છે. વર્કઆઉટ કરે છે. તેમણે બૉડી બનાવી લીધી અને ધંધો પણ સારો ચાલી રહ્યો છે. ત્રિપતસિંહ કહે છે કે મારી પત્ની મને આમ જોઈને ઉદાસ થાત. તેથી મેં ખુદને ફરીથી બેઠા કરવાનું કામ કર્યું છે. આ વીડિયોને 33 હજારથી વધારે લાઈક મળ્યા છે અને તેને સતત પસંદ કરવામાં આવી રહ્યો છે.
Read more

ઈરાની નૌસેનાનું જંગી જહાજ ઓમાનની ખાડીમાં ડૂબ્યું, દુર્ઘટના કે ષડયંત્ર?

Image
ઈરાનની નૌસેનાનું સૌથી મોટું જહાજ ખર્ગ બુધવારે રાત્રે સવા બે વાગ્યે ઓમાનની ખાડીમાં આગ લાગવાની દુર્ઘટના બાદ ડૂબી ગયું છે. ઈરાની નૌસેનાના જહાજને બચાવવાની કોશિશો કરવામાં આવી હતી. પરંતુ આ જહાજ તહેરાનથી 1270 કિ.મી. દૂર જસ્ક પોર્ટ નજીક ડૂબી ગયું હતું.  ઈરાની નૌસેનાના આ વિરાટકાય જહાજનું નામ ખર્ગ ટાપુ પરથી રાખવામાં આવ્યું હતું. ખર્ગ ટાપુ ઈરાનનું મુખ્ય ઓઈલ ટર્મિનલ છે.  ઈરાનની સરકારી ન્યૂઝ એજન્સીએ તેને ટ્રેનિંગ શિપ ગણાવ્યું છે. યુએસ નેશનલ ઓશિયેનિક એન્ડ એટમસફેરિક એડમિનિસ્ટ્રેશને અંતરીક્ષમાંથી સેટેલાઈટ દ્વારા ઈરાની જહાજમાં આગની જાણકારી મીડિયા અહેવાલ પહેલા મેળવી લીધી હતી. 
Read more