કોરોનાકાળમાં મોંઘવારીની “પિચ” પર આમ આદમી “ક્લિન બોલ્ડ”, ખાદ્યતેલોની કિંમતો 1 વર્ષમાં દોઢ ગણાં સુધી વધી

કોરોનાના કપરાકાળમાં સામાન્ય વ્યક્તિની અગ્નિપરીક્ષા થઈ રહી છે. કોરોનાના સમયગાળામાં મંદ આર્થિક ગતિવિધિઓ વચ્ચે મોંઘવારીની પીચ પર ખાદ્ય તેલોના વધતા ભાવને કારણે આમ આદમી ક્લિન બોલ્ડ થઈ રહ્યો છે. ખાદ્ય તેલોમાં સૂરજમુખી, સોયા, પામ ઓઈલ, વનસ્પતિ, મગફળીના તેલોના ભાવમાં ભડકો છે. તો અનાજ-દાળના ભાવ પણ વધ્યા છે. ગત 1 વર્ષમાં ઘઉં, લોટ અને મગની દાળને બાદ કરતા તમામ ખાદ્ય ચીજવસ્તુના ભાવમાં વધારો થયો છે. ચોખા 4.40 ટકા, ચણાની દાળ 14.28 ટકા મોંઘી થઈ છે. આ ગ્રાહક ઉપભોક્તા મંત્રાલયના આંકડા કહે છે. 28 મે, 2020ની સરખામણીએ 28 મે, 2021ના રોજ જીવનજરૂરિયાતની વસ્તુઓની કિંમતો આકાશને આંબી રહી છે. હદ તો ત્યારે થઈ છે કે જ્યારે મીઠાંની કિંમતોમાં પણ વધારો થયો છે.

મગફળીનું તેલ (પેક) 20.10 ટકાના વધારા સાથે એક કિલોગ્રામના 177.59 રૂપિયા થયા છે. એક વર્ષ પહેલા તે 147.87 રૂપિયાનું કિલોગ્રામ હતું. સરસવના તેલના ભાવમાં પમ ભડકો છે. સરસવના તેલની કિંમતમાં 44.33 ટકાનો ઉછાળો આયો છે. 28 મેએ દેશના અલગ-અળગ શહેરોમાં તે 171.45 રૂપિયા પ્રતિ કિલોગ્રામના સ્તરે પહોંચ્યું છે. એક વર્ષ પહેલા તેની કિંમત માત્ર 118.79 રૂપિયા પ્રતિ કિલોગ્રામ હતી.

તો વનસ્પતિ (પેક) 90.37 રૂપિયાથી વધીને 131.21 રૂપિયા થયું છે. એક વર્ષના સમયગાળામાં તેમા 45.19 ટકાનો ઉછાળો આવ્યો છે. સોયા તેલ (પેક) પણ ઘણું મોંઘુ થયું છે. એક વર્ષમાં તેમા 52 ટકાના ઉછાળા સાથે 100.78થી વધીને 153.85 રૂપિયાના સ્તરે પહોંચ્યું છે. તો ખાદ્ય તેલોમાં સૂરજમુખી તેલ(પેક)માં રેકોર્ડ ઉછાળો નોંધાયો છે. એક વર્ષમાં 56.31 ટકાના ઉછાળા સાથે 110.54 રૂપિયાથી વધીને 172.79 રૂપિયા થયું છે. જ્યારે પામ ઓઈલ (પેક) 54.05 ટકાના વધારા સાથે 86.98 રૂપિયાથી વધીને 133.99 રૂપિયાના સ્તરે પહોંચ્યું છે.

 

જીવનજરૂરિયાતની વસ્તુઓની દૈનિક રિટેલ કિંમત

વસ્તુ	જરૂરી વસ્તુઓનું દૈનિક રિટેલ મૂલ્ય
	28 મેનું મૂલ્ય	1 વર્ષ પહેલા	પ્રતિશત પરિવર્તન
	28/05/2021	28/05/2020	1 વર્ષ
ચોખા	35.61	34.11	4.4%
ઘઉં	25.8	29.05	-11.19%
લોટ (ઘઉં)	28.7	31.22	-8.07%
ચણાની દાળ	77.05	67.42	14.28%
તુવેરની દાળ	108.22	93.95	15.19%
અડદની દાળ	108.74	103.25	5.32%
મગની દાળ	107.22	110.71	-3.15%
મસૂરની દાળ	85.83	76.47	12.24%
ખાંડ	40.06	39.55	1.29%
દૂધ	48.59	46.44	4.63%
મગફળીનું તેલ (પેક)	177.59	147.87	20.1%
સરસવનું તેલ (પેક)	171.45	118.79	44.33%
વનસ્પતિ (પેક)	131.21	90.37	45.19%
સોયા તેલ (પેક)	153.85	100.78	52.66%
સૂરજમુખી તેલ (પેક)	172.79	110.54	56.31%
પામ ઓઈલ (પેક)	133.99	86.98	54.05%
ગોળ	45.89	47.5	-3.39%
છૂટક ચ્હા	281.16	217.27	29.41%
મીઠું (પેક)	17.91	16.01	11.87%
બટાકા	18.72	25.58	-26.82%
ડુંગળી	24.02	20.18	19.03%
ટામેટાં	18.98	18.22	4.17%

સ્ત્રોત:રાજ્ય નાગરિક આપૂર્તિ વિભાગ